諗咗一日，決定繼續淡出，以免係呢啲情緒下講咗啲衝動嘅嘢，我仲未冷靜返

我得到嘅結論係人道歉，對方唔係一定要接受道歉，但係佢亦都應該接受道歉，因為接受道歉嘅意思，就係雙方冷靜返，平心靜氣咁面對成件事。
如果一直以意氣之爭唔接受道歉嘅話，成件事根本好難解決，呢個亦都唔係一個君子嘅行為。
亦唔應該攞啲小節位嚟拗。你可以好冷靜咁講話邊都邊到有問題，我想你澄清，咁咪得囉，唔需要一開始就鬧人㗎喎。
無啦啦會俾人屌嘅forum有咩人想玩？

一個forum淨係識得屌人係冇用㗎
唔係唔講得人有咩錯，而係講之前應該用一個平和嘅心態諗下點樣講，最後冷靜咁呈現自己嘅論點，而唔係以屌人、傷害其他人自尊心、自己啱曬做目標
我希望之後大家係講嘢之前都可以詳細咁諗吓究竟咁講完之後會有啲咩後果，另外嗰個人會點諗
而且你咁有要求嘅話，起碼要講清楚自己有咩要求，如果唔係成件事根本settle唔到，人哋想道歉都冇得道

我今次應該係喺唔知情嘅情況下involved咗係私人恩怨入面，跟住燒埋我嗰答。
都唔知點講好。以後見到有人罵戰就唔好插手？今次故事嘅moral係咪就係咁？