(上個月)有位女性朋友幫佢隔離屋搬屋(搬去好近的地方)，但佢早幾日已經病下病下
咁佢就帶啲紙皮箱去佢鄰居新屋啦，
如是姐重覆來回幾次，到佢回程打算再拎啲雜物嗰陣一入lift
佢就見到住樓上個呀婆
婆婆:哇。。你男朋友咁靚仔嘅？佢好高大下喎。。
朋友:(第一次轉身望身後面)咩呀？我都無男朋友，你咪玩我啦婆婆。。""心諗:你係眼花定傻咗呀？""
婆婆:唔係呢。。你男朋友咪企咗喺你後面囉
朋友:下？(開始有點怯咁慢慢慢慢擰轉身望。。)
佢見到一個著白衫嘅男人緊貼佢背後，佢目測隻鬼有成米九
佢嚇到er到唔敢er,慢慢移返個頭口震震咁同婆婆講:你睇錯咗喇。。
咁啱我朋友到咗嗰層樓，個婆婆仲同佢講:呀妹你同男朋友玩得開心啲喇！拜拜！
部lift一開門就一支箭咁衝入鄰居屋企
(入到屋)鄰居:你無事吖嘛？面青口唇白咁嘅？
朋友:無事，有啲累姐。。抖下無事
咁佢就立即打俾我問我點搞好，我地傾傾下途中我聽到好深沉但又大聲嘅""呼~~~""一聲
我:邊個喺你隔離？做咩吹電話？
佢:有。有人。。吹我耳，耳仔。。。
我:吓？
佢:係。。係。。
我:你落紙紮舖搞搞佢先啦！
佢:好。。。。

佢就揾咗一個佢識嘅紙紮舖老闆搞，由於個老闆由細睇到佢大同佢熟
所以無收錢幫佢整走啲污糟嘢，個老闆一見到佢就知道佢俾隻嘢跟住
老闆之後咋咋淋上佢屋企搞啲儀式，亦都確認咗隻嘢係男鬼，而且跟咗佢成個星期。。。


題外話:喺事發前幾日我已經見過哩位朋友(佢當時病緊，精神狀態亦都好差)
奇怪在我大大份拍埋佢身邊都覺寒同唔舒服
我話:你精神咁差。。揾日再食過飯，返去休息下你啦。。
佢:咁好啦
但當我一送走咗佢無幾耐之後我哩不適感就消失哂
估唔到幾日後佢就見到隻嘢
而老闆同佢搞咗一啲儀式後佢都好返

信不信由你