有冇覺得效力皇家馬德里巴西前鋒朗拿度唔同呢？大家咪誤會，佢冇走去整容，只不過係成功減六公斤。
西班牙《阿斯報》日前報道，巴西足總證實朗拿度經過近半個月地獄式特訓後，終於瘦身成功，踢走六公斤肥肉。究竟朗拿度食乜，可以在短時間內極速瘦身，等我求大俠同大家講啦。
呢十幾日，朗拿度一日三餐都係食沙律、雞肉同埋通心粉，其他一概唔准食，加埋照舊好似平日咁練習，結果就成功減磅。家朗拿度同之前判若兩人，頸同腰都瘦，連人都靚仔！
其實大家唔使羨慕朗拿度，只要逢星期一至五睇我蘋果體育《 Fit男 Fit女》，包保你由豬扒變型男或者索女。

車仔炒人用電話雲尼阿媽聲聲罵
雲尼亞里前日俾車路士炒魷，估唔到最嬲唔係佢本人，反而係佢八十四歲阿媽蓮娜達。蓮娜達話車仔高層透過電話炒佢個仔，連當面講都費事，直頭唔當佢個仔係人。我求大俠都覺得車仔咁做好唔大方，但諗起雲尼亞里可能執到一億港元分手費，受少少氣又算係乜。

梅度倫敦酒肉臭阿公援冇陰功
車路士梅度倫敦生活得不知幾咁富貴，住大屋靚車，又成日媾女，但佢位住羅馬尼亞阿就慘，每個月靠七英鎊公援過活，咁都未算，成七十八歲人重要去街市賣生果幫補生計。聽講梅度紅之後，淨係寄過部彩電畀佢阿。梅度咁鬼不孝，小心俾雷劈呀！

亨利贏盡大小獎還待歐國盃做英雄
英國天空體育進行一項選舉，叫球迷選今屆表現最好球員，結果由阿仙奴法國前鋒亨利贏。亨利今屆威到盡，除成為英格蘭足球同埋球員先生，兼且今屆歐洲金靴獎。亨利家目標，梗係即將展開歐國盃，希望佢可幫法國冕之餘，自己埋最佳球員同神射手啦！

巴勒莫水喉射住上意甲埋班擲億金
巴勒莫落實升上意甲後，個有錢會長森柏連尼急不及待開水喉，已經總共用大約五百萬歐元簽入阿根廷新晉國腳干沙里斯同埋巴西甘美奧後 A彭利拿加盟，意乙球季未完，後者已經跟操緊。據講呢個只係開始，森柏連尼今夏大約會用二千萬歐元組軍，呢個數連意甲班霸都未必出到。