其實改變係一件好難既野，特別係改變一啲大家都習慣左既野
不過見到admin都好努力咁去配合大家既需要…
有人覺得膠登仍然活係高登既影子下，admin就嘗試係改名/改ui/...方面入手
有人會惡意洗版/鞭屍，admin就會改下版規/新增moderator等改善呢個情況
有人希望膠登可以民主一d，admin就新增左投票
有人有好多分身影響投票，admin就俾大家自首揀留低邊個account，希望最終能夠一人一票
...

改變係一個好長既過程
有人話膠登突然變左好多，我諗呢個都係一個適應同過渡既過程
若然覺得呢個改變唔好，好似admin提出30日後既post就冇得睇，係大家既反對下都撤回呢個決定
今朝冇得用adblock，然後nimda亦上左水去fix番
見到幾位admin都好努力好用心咁去推行唔同既措施，又好親民，而途中亦有商有量
所以希望大家唔好咁快鬧admin，又淡出又盛……
俾少少時間佢地，亦嘗試下去適應呢d改變
真係好熱血好有諗頭既咪一齊去傾下囉，呢排都見到好多呢類post (不過唔係好得閒追)
btw imagine既整合post好有用
而admin有咩困難都要出聲，例如大家都用adblock令膠登難以經營落去，我地再諗辦法拆掂佢

我講既係咁多，sorry有啲1999