G.E.M.完咗個騷之後，換咗件Tee做訪問，件Tee有句slogan：「Let what you say be simple "yes" or "no"」，係咪回應前度林宥嘉其中一句聲明：「能和平分手是需要好大福氣」呢？

林宥嘉之前講過4點聲明(新聞連結: http://bit.ly/PGpvFd )，問G.E.M.點睇呢4點？佢話：「只講自己演唱會，求吓你。唔知4點，冇理其他事，只係專心演唱會，二十幾年特突醒晒，係我最清醒時候。」點解突然醒咗？G.E.M.：「睇聖經，忘記過去，努力面前，向著標杆直跑，聖經係鼓勵人生書本，全世界最有智慧書藉。」

聖經有冇叫你唔好拍拖住？G.E.M.話：「只係同我講忘記過去，努力面前，向著標杆直跑，呢句係我一向座右銘。我努力忘記過去，每日睡醒都忘記發生乜事，積極過每一天，忘記得一乾二淨。」

林宥嘉講兩個人一齊公唔公開係要互相尊重？G.E.M.即笑住話：「你問佢同唔知邊個啦！唔關我事。我都冇留意，所以唔關我事，佢啲嘢徹底唔關我事。」咁同佢拍拖時尊唔尊重你？佢繼續笑住話：「唔記得咗喇，唔關我事呢個人。全部忘記，其實我喺微博講嘅嘢唔關佢事，我由頭到尾，公眾場合任何時候都冇講過佢，只係唱咗一首龍捲風，同喺私人facebook講過，公眾場合冇講過呢個人，我冇興趣講呢個人，好多外界一路話我喺微博講，連染頭髮都話係影射佢，我心諗救命呀，我活喺我自己生活入面，開心咗好耐，唔好再扯我出嚟放喺佢新聞到。」sorry，放埋呢次先啦~