大家好 我文筆唔好兼又係新手 所以家姐佐請狠插
但係我真係好想同大家分享一段故仔
唔知稱唔稱得上愛情故 可能只係我單方面既幻想吧...
寫完都希望大家比D建議

我係一個17歲 0n尻尻既中學撚 又有小小以為自己幾型 而家諗返都覺得)
係2013年既X月X日
果日係星期二 我返到學校
成班男同學走埋黎同我講:[喂喂喂,尋日黎佐2個實習miss喎 有一個超靚女!!]
一瞬間 我覺得因為尋日遲起身而請病假 冇見到呢2位miss 而覺得可惜...
因為...
我學校冇靚女

我成日同我d fd講 點解前幾年既師姐可以咁靚?點解前幾年既師姐以可咁白滑靚正?
　點解我呢一年開始d女同學同豬兜冇分別?點解我呢年開始d女同學性格咁姣?點解連低form既女同學都冇乜靚女 ?
我不停問好多個點解 最後我同我d fd都係得唔出咩結論

星期二
果日咁岩冇LS堂 雖然聽佐D同學講話佢地好靚女
但我始終未見過 都冇乜強烈諗頭想主動去見佢地

終於到星期四
佢地黎上堂 果日 我見到呢2位實習 見到其中一個 我真係覺得佢 好靚真心好靚(冇化妝) 完全唔係學校可以見到既女仔黎...
唔知係咪因為AV睇太多既原因
始終都係冇乜實感

到某日
因為呢2位實習 係學校入面 經常都要跟住我地Ls miss
果段日子咁岩又係DSE考期 學校借佐D課室用黎做考場 其中我地課室都有份
所以我地轉佐去第2個課室進行班主任節
果時呢兩位實習 好似知道要轉班房 但完全唔知課室係邊
佢地終於搵到
果一刻 佢企係班房門口果一下
簡直完全迷倒我
而且佢重要坐我右邊果行既位置
雖然我坐緊呢行同佢坐緊果行相隔住一條狹窄既通道
但完全無阻我不停望下佢又扮溫書 望下又扮 望下又扮咁
果時開始...
我完全停唔到 每次見到佢都會望下佢 就算見唔到 都會諗下佢
有時係樓梯位或者研習center門口見到佢都會講 hi miss 博佢留意

其實呢兩位實習 係我咁多位教過我既實習以黎 最熟最Close既兩個
果排我地全班既ies已經去到尾段
開始做研究報告
亦都因為ies呢個契機
我日日都去搵佢 當然 我冇自己一個去 我搵佐個識佐1年既男同學去
staff room出面係研習區 係staff room門口牆邊出面有一排電腦比學生用
就係咁 我日日放學都去搵佢做ies 又或者 我小息果陣就會扮曬野落去研習center到搵資料 順便望下佢係咪到

打住咁多先 我重要返學 等陣返黎再繼續