http://hkm.appledaily.com/detail.php?guid=52434586&category_guid=7018882&category=instant&issue=20140501

輪到FAITH出場喇……嘩，fans對佢哋真係非常極之「熱情」呀，之前「Faith」其中一名成員Wave喺Instagram貼文，內容為「多謝你地！完show過左陣就落雨，各位要小心牙」，即遭不少高登網民以「牙你老X」(粗口唔出得)回應。今日有歌迷高舉寫住成員Sky個名嘅牌，你以為佢係撐你？噢no，原來個牌嘅另一面，係寫住「牙你老X」，仲將佢哋隻one and the only one歌曲《Stop Peeping》寫成「Stop peeing」！其後歌迷又大嗌:「最緊要政治！」事後傳媒問番佢哋聽唔聽到？其經理人即搶答:「我諗佢哋頭先做訪問，應該聽唔到。」

FAITH同方才一眾受訪歌手一樣，都係話有聽過外間形容呢個係維穩騷，但佢哋今日嚟嘅目的，係分享音樂:「公司安排我哋嚟，爭取表演經驗，有朋友問我哋驚唔驚俾人話，公司立場都係純粹分享音樂。」FAITH又負能量咁話:「我哋成日都俾人話0架啦!」拿拿拿，正能量呢家嘢，你哋真係要向另一MK-POP「天團」天堂鳥學習喇。

咁你哋驚唔驚被指為對政治冷感？FAITH話:「唔會，平時訪問都有講，台灣反服貿單嘢都有講。」佢哋又話:「唔希望影響遊行緊嘅朋友表現訴求，不想刻意分散大家注意力。」至於酬勞呢？FAITH就答得好明確，話:「冇!」唔似得其他歌手一味話唔知:「公司同我哋講嘅，飲食自己俾錢，船飛就係公司安排。」

同大家溫故知新先。有正字唔打係要打「牙齒」個「牙」，怪唔得啲留言會咁清一色


一反轉，竟然係「牙你老ｘ」！