近黎上開Forums會見到一種現象，喺留言結尾會加一句「利益申報」、「利申」，個人有少少睇法。

其實留言嗰陣加上「利益申報」嘅原意係避面被人誤會成偏見 (或者利益輸送... 不過我又諗唔到上網講句說話可以點樣輸送利益，除非存心誤導人而令某人/ 團體獲益)。

例如當討論緊某品牌嘅產品，可能會有人話呢個牌子唔好用，另一牌子嘅同類產品好好多。喺呢個時候，可能會有人應為呢個留言可能出於對家牌子嘅職員 (例如Sales) 口中，唔得中立，咁呢個留言者可以透過附加「利益申報」澄清自己同有關品牌嘅公司無關，減低被人認為有誤導嘅嫌疑。當然，留言者點樣申報、申報D乜，通常無佐證，信不信由你 (網絡上嘅資訊好多都係咁) (當然，如果說明嗰陣有埋客觀事實會更好)。

總括而言，如果留言唔會做成有偏見嘅嫌疑的話，係唔應該有「利益申報」。如果想附加一D資訊，可以用Postscript (P.S.)、「附帶一提」。

另外，其實香港網絡大典都有提到誤用「利益申報」嘅問題，例如所申報嘅事同內文無關、明顯唔會有利益輸送、利益衝突嘅問題:
http://evchk.wikia.com/wiki/利益申報

http://grammar.about.com/od/pq/g/Postscript.htm
http://ezinearticles.com/?Cover-Letter-How-To---PS,-Use-a-Postscript&id=3358431