大陸個目標, 係要2047年完全赤化香港

所以越近2047, 赤化範圍越大, 結果, 越近2047既特首, 只會越乞香港人憎!

就算俾你2047選一個出黎, 佢亦只係大陸既扯線公仔, 望住一步一步赤化, D 人咪又會越黎越憎個特首囉

根本今屆係CY 定唐唐, 下屆係CY, 林鄭, 品客, 側頭, 梁錦虫, 甚致湯家華, 其實唔會有分別, 特首呢個位只不過係食物鏈中最低嗰層, 只係一個出氣袋!

抗爭? 我身邊大LAN把朋友, 就銀行, 做金融, 做建築, 只要係揾大陸佬錢既, 都非常憎泛民, 話佢地阻住基建, 阻住揾錢!

呢D人, 莫講話要佢地包容周街痾屎, 有錢的話, 你叫佢地幫大陸佬MUN 埋屎都仲得! 君不見保皇黨咩都UP得出咩?

年輕人抗爭, 到頭來, 係唔會得到呢班揾緊大陸佬錢既人支持, 呢D亦係港燦既特色, 邊度有著數就去邊度, 到時大不了就拍拍個屎忽攬埋D錢去外國!

上面有呢堆專業人士, 下面有藥房職員, 水貨客 (好LAN多水貨客其實係香港人!), 金舖職員, 名店職員....越多呢D揾大陸錢既人, 抗爭就越唔會得到支持, 你估港燦會放棄揾大陸佬錢, 唔理份工, 唔理供緊層樓出黎支持你? 咪發夢啦! 泰國/烏克蘭D人就會, 人地真係視國家為大, 香港, 對於有錢既港燦係隨時可以放棄既地方, 君不見80-90年代既移民潮? D 人係毫不留戀鬥快走!

更何況, 佔中只不過係一個笑話, 我每次諗起用雞蛋殼砌字顯示決心, 就覺得根本係冇希望

明知結局, 你一係接受, 變為佢地一份子, 接受同化, 一係逃難, 趁仲有10-15年時間, 儲多D水腳, 日後移民

所以, 從微觀睇, 年輕人仲應唔應該浪費青春去抗爭呢? 明知結局, 白白犧牲, 值唔值得, 見仁見智

你要花青春, 時間去爭取, 得! 你到頭來會一無所有, 焦頭爛額, 但係會有社會烈士之名 (如果有人識你的話), 自我感覺良好

我唔恨CY, 亦唔反CY, 因為我知根本邊個做, 其實都係一樣, 你信唔信到下個特首, 大家又會懷念CY, 話 "起碼佢肯停雙飛, 肯打樓價丫..."

特首, 只會一個比一個乞人憎...