http://youtu.be/iA8K_LezU7I

關心妍（Jade）去年宣佈退出頒獎禮，專心做人妻兼造人，不過一年來肚皮不爭氣，決定出山重奪Neway一姐地位，日前Jade化名C-12，將兩首新歌《揀一個死法》和《愈來愈正常》MV放上YouTube，其中《愈》找來「細細粒」陳嘉佳拍重口味MV。
黑絲誘男伴


■人妻關心妍為重奪一姐地位，昨日不惜谷胸出席記者會。

Jade昨日身穿deep V裙谷胸露腿出席C-12在尖沙咀的記者會，可能久疏戰陣，不慎露出酥胸的防走光膠紙。現場播出她兩首新歌MV，其中一首《罪名》的內容是講第三者，她更親身演繹這個角色，與MV男角陳文剛有床戲，兼被摸大髀，MV中人妻Jade着黑絲演出，非常性感。她表示事先有同老公提過故事，他聽完沒說甚麼，拍完MV再問他看不看，他繼續沒表示，Jade續說：「我同佢講睇吓啦，大方啲，?家啲老公好大方。老公睇完個comment係『嘩！咁大膽！』我今次都豁晒出去，唔可以尷尬，一係就摸腳，嘩！好痕呀！我喺度諗，我老公有冇摸過我腳趾?」她還自爆黑絲是私伙，並笑說：「我以前嘅歌係被人拋棄，今次做小三原來要咁激，終於明白點解有小三，真係要檢討吓。」MV內置有自殺鏡頭，太重口味會否擔心遭禁播？Jade說：「冇諗到咁長遠，細細粒拍呢個MV要批，因為重口味同血腥，但唔夠誇張交代唔到件事，講減肥會搞到厭食同埋有幻覺，要拍到咁樣，先有人正視問題，呢個年代唔係保守年代。」
採訪、攝影：黃曉妍


■MV男主角昨日為關心妍戴上唱片公司送贈的鑽石頸鏈。


■關心妍在MV中被男主角摸大髀，意識大膽。


■關心妍希望MV帶出自殺不能解決問題的訊息。