http://youtu.be/7N8ZNaZF6RU

曾志偉、草蜢、內地演員黃奕、孫耀威同女友陳美詩等人今日喺澳門現身，出席金沙城周年活動。眾人下午齊齊玩類似running man嘅遊戲，眾女星都較為錫身密實。

佢哋到晚上先大解放，當中陳美詩更谷胸露出事業線示人；孫耀威笑言女友事業線可以給他擺手機。

佢兩個就透露，今次係第一次齊齊出席商演活動，孫耀威表示：「各自搵，如果知喺一齊，就要加酬勞，不過都好，呢排好忙，當乘機拍吓拖。」

見陳美詩戴咗唔少戒指，問佢有冇收到求婚戒指，佢就話：「拍拖咁耐，梗有送過戒指，求婚戒指就唔使送住，會遲啲先，大家有共識。」

此外，許志安都有擔任晚會表演嘉賓，提到鄭秀文失意金像獎，佢就話：「點會呢，佢次次都有進步，咁好成績，唔需要安慰啦。」