http://hkm.appledaily.com/detail.php?issue=20140419&guid=52398947&category_guid=7018882&category=instant



對於眾歌手先後表示退出澳門個騷，搞手之一朱明銳表示：「佢哋這樣違反合約，事件唔涉及政治，有歌手提出疑問，回覆咗係純粹推動音樂，以歌會友。」
澳門民政總署將於5.1勞動節在澳門舉辦「黑沙海灘迎夏日演唱會」，原來由新城電台負責節目策劃及製作，礙於太敏感，謝安琪、RubberBand和C AllStar今日都表態辭演。張智霖嘅經理人蕭定一就話：「我哋需要時間了解吓先，唔知發生甚麼事。」周柏豪自言讀書少，不太認識政治，如今更成為網民熱話。

至於新城知訊台台長朱明銳今日接受本報訪問時就表示：「澳門民政署每年都舉辦黑沙灘音樂節，係假期年輕人活動。參與嘅歌手都係明白目的，亦都答應咗出席及口頭或簽咗演出合約，大家應該尊重合約精神，暫時沒有接獲任何不參加書面通知。」

記者告知謝安琪、RubberBand和C AllStar決定不出席，朱明銳話：「佢哋這樣違反合約，事件唔涉及政治，有歌手提出疑問，回覆咗係純粹推動音樂，以歌會友。鄭秀文同劉德華都做過澳門回歸騷，唔通又被指控維穩？每年10.1紅館國慶騷很多歌手參與，都係維穩吧！」朱明銳指澳門民政總署公開招標，新城中標才參與。