出得哩啲post，我就預咗有大量負評

至於點解，我會盡量係下面簡單咁講：

1. 傳播任何思想、主義係對所有人既，即係咩人都有，要用人人都接納既語言先可以獲得最好既傳遞效果。

2. 哩個係個死穴。香港大多數人係由立於道德高地既偽君子，佢哋好易會認同一個「理性」既人會包含德性。所謂德性即係指努力、禮貌、守規等等既野。 而有冇呢啲德性會係至關重要，因呢班大多數既偽君子好睇表面，只會用你行為既表面性質、態度去判斷一個人講既做既合唔合理。你講既野即使所言甚是，只要係冇禮貌（大聲咗啲），佢只會當你表達既係一派胡言；但相反一個左膠就算歪理連篇，只要有禮貌，扮冷靜，班偽君子都會認同。

3. 五毛左膠好捉到香港人係偽君子哩種特質。只要我哋講既野做既野有位入（違反偽人所認同既德性），佢哋就會大做文章，指鹿為馬，將我哋定為憤青、小眾、不理性又搞事搞非既反對派。

有咩例子？
你留意吓身邊既香港人講咩，好似你父母、小巴佬、茶記大叔、家長、老一輩既人、甚至係中產，哩班人全部都係所謂良好市民。
佢哋既對政治既觀點不外乎佔中係犯法、學生佔行政院好暴力、長毛係立法會搞亂檔、betty好努力值得原諒、講野大聲教壞細路等等
你諗吓，有邊次唔係畀班五毛攻擊我哋唔理性、冷血、唔包容去混淆視聽，將整件合理既訴求化為偽君子眼中既不理性，跟住成班偽人齊聲呼應

唔粗口爛舌、人生攻擊唔會一時三刻令嗰班偽人轉軚，因為佢哋本來係政治冷感。
但最重要既係唔好將反對民主、港獨既聲音畀班「良好」公民擴大，令我哋既聲音可以有更多既理由去被接納
否則我哋既思想永遠係「小眾」，有力既理據只會被香港市民既「理性」所拋棄。
1999


留名等有人會話係和理非非