馬主男友又報捷 黃婉曼拉頭馬宣示主權

做得榜首騎師，一哥潘頓點會甘心畀人係咁剃眼眉，當自己冇到。當第二、三場佢兩匹原有座騎「幾叻仔」及「龍華太旨」換人全勝後，跑到第六場潘頓卒之吐氣揚眉，策騎由自己新勝三班谷草千二之「薑餅人」，後上爆出半冷W，個人連續三個賽日有進賬。「薑餅人」上仗一放到底首勝谷草，加分後今場變後上，拉士一衝過晒，姿態一樣咁輕鬆，反而賠率卻係上次嘅Double，難怪台前幕後笑到見牙唔見眼！馬主馮柏基係會計師，有「四眼版林峯」之稱，繼上次之後，再度與女友黃婉曼一齊拉頭馬，呢位女神連續兩次入場幫「薑餅人」打氣都有收穫，做咗運財福將。
至於方嘉柏，成功複製上周三夜馬起孖模式，呢晚又係一隻大熱W，搭一匹半冷獨贏，而上個禮拜三頭馬就係「方程式」及「城中話題」，真不愧為有計之人!!!
---------------
咁都有得補