救命

今朝屋企人整左杯清腸胃涼茶我飲，而家開緊會，條大腸近肛門處已滾滾發燙，雷嗚般既叫喊，係我體內震耳欲聾，嘰哩咕嚕嘰哩咕嚕，一波波既腸道蠕動一再挑釁我既括約肌。

可惜，啊頭仍然滔滔不絕，欲止又來，什麼狗屁業績千絲萬褸公司政策，此刻於我猶如糞……O shit! 一想起個糞字，前線作戰緊既括約肌防線瞬間稍稍被突破出一隙裂口，漏出了半點屁，雖無聲，卻戰鬥力則實盛於虛，氣味漸漸散發，坐我側邊既同事已經開始發現異樣，右手執筆疾寫，左手食指掩鼻，雙眼偷偷左瞄右瞄欲似尋兇之勢，為了我花公子之形象，見狀亦馬上作勢掩鼻充當受害者。惡屁揮之快，量之濃，可謂一時無兩，可能有關於昨晚宵夜所食之撈麵王及熱浪薯片賜予其力。

片刻間，半間會議室已充斥住溢出裂口的半陣惡臭，坐最近門口，戴住黑框無鏡片眼鏡，長髮披肩，斜82瀏海，鼻高眼窩深而淚汪汪，櫻桃唇配以粉色唇膏，腮紅帶點清幽粉的秘書，仍狀似感有半點異樣。整整5百餘呎之空間死鬥看似一觸即發。

啊頭此刻仍然滿腔志懷地滔如江水，指尖於投影幕前上下左右來回比劃，但透過最近啊頭的女秘書所動，顯然惡屁已擴展至該區，恐怕再過數間將推展進擊啊頭鼻腔神經元之中。

處於瞬間半刻，我以迅雷之勢從褲袋掏出手機再以平日玩deemo speed 10 所訓練成之光速掃app手，在手機當中尋獲鈴聲充有人來電，正當秘書韱韱嫩手正往鼻前略掩，眉頭微皺之際，手機鈴聲彷似安魂鐘聲打破了啊頭單方面的流水。


今晚扑野夜唔夜啊!夜唔夜啊!叫雞好過摸大脾!


holy shit! 開撚錯鈴聲!

再憑一記腦海浮現的聖屎兩字，崩裂的肛口再滲出半記惡屁，如箭在弦的壓力使我神經血管肌肉頓時繃緊。感似括約肌快將崩堤，我馬上立起身子，用兩塊股巨肌緩解括約肌的壓力，並喊道


對唔住對唔住，我出去解決個電話先。

被我個萬子良打斷既啊頭，面容略帶怒氣，全間房既同事邊掩鼻邊望向我，全場既焦點呢刻就投向拎住手機，屎忽夾實既我，於半秒間既寂靜，我頭也不回地沖出會議室，每一步都帶住一點愧疚同快慰，愧疚因我一個惡屁而被迫一索而盡既各位同事，快慰既亦都係可以令成班同事一齊分享我既屁，然而當我關上房門既時候，所有既一切都拋諸腦後，迎來既只係漫漫無邊既自由，恰似於大漠平原上裸身奔跑一樣地奔向最後一格廁格，鬆開皮帶，一股坐落張口迎接我臭濃爛大沱攪肚屎既屎坑上面，我拋開最後既防衛，透過我既括約肌解放我一直以來既榨壓，一股暖流一湧而出………







呠…
















屌你老母，空歡喜得場屁。




此時，外頭傳來同事一句

屌，都唔知邊條仆街d屁咁撚臭。