同大家回帶一下，曾被控強姦又撤銷控罪，之後信咗基督教兼開埋教會「使徒行傳教會」嘅高皓正，喺2013年3月發表過唔少「偉論」，包括︰10大婚前禁慾理由及戒自瀆言論。當年引來卓韻芝、蕭若元、林夕發炮，連網民都恥笑高皓正係「高主教」，不斷發表膠論。



早排4月1日愚人節，網上就傳咗一張名為「基督教反自瀆行動」，仲話搵嚟高皓正做「抗瀆大使」。依家唔少網民不斷幫手推出呢個活動，而且呢個「反自瀆行動」喺5月、6月、7月都有活動，內容都相當精采，真係假可亂真。



呢位「抗瀆大使」高皓正，當年俾人連珠炮發話發表膠論，佢就話係想俾人有正面影響，又強調自己係第一屆中大性別研究畢業生，學過好多婚前婚後對各地文化的影響，所以講嘅嘢有根有據喎。



對於遭惡搞一事，高主教話：「多謝晒！我真係冇聽過，唔好玩我喇！」高教主強調唔係話唔可以自瀆，佢只係分享佢嘅經驗，教人一啲貼士而已。