曾演過《3D玉蒲團》嘅日本著名AV女優，現年26歲嘅原紗央莉，暫停其AV界活動三年後，今日宣佈將重返藝能界。



不過，原紗央莉前年已經嫁咗人，老公仲大過佢24年添，係現年50歲嘅男人，所以佢今次回歸，就話要從良，唔想再拍AV，仲將藝名由原紗央莉改為松野井雅，據指紗央莉已經接到新工作，6月開始拍新劇。



原紗央莉被稱為「奇跡之AV女優」，因為佢進進出出藝能界多次，都仍受注目之外，04年更以偶像身份出道嘅佢，09年一轉做AV女優之後，第一本寫真集就大賣10萬本，創出AV界奇跡。

但當年佢因為喺街頭剝光豬俾著名攝影師篠出紀信拍寫真，結果雙雙被控公然猥褻罪。而原紗央莉喺11年3月因身體問題，加上311大地震嘅打擊，突然消失於AV界，但三年後今日又突然宣佈從良回歸。

http://hk.apple.nextmedia.com/enews/realtime/20140407/52360590