林欣彤（Mag）向來都鍾意上微博與粉絲分享點滴，不過日前佢有幾日冇update近況，噚晚佢就一口氣連發三條微博，原來佢之前喺屋企暈倒，下巴仲直接撞到地上而受傷，雖然醫生同佢講傷口範圍唔大，但係深到見骨，結果要縫線，仲話可能會有疤痕添。



Mag噚晚就貼咗張受傷相，佢就話縫傷口嘅線已喺前日拆咗，傷口癒合得唔錯，仲同粉絲報平安：「我會繼續好好處理的，不用擔心。」

傷口癒口得好，令Mag舒一口氣，佢就繼續有心情扮靚，佢喺微博貼咗兩張「變髮」相，原來佢準備把瀏海剪短，前完後Mag就即刻嘟嘴兼單眼賣萌，但就呻再裝不了酷，唔知大家又like唔like佢個新髮型呢？





http://hk.apple.nextmedia.com/enews/realtime/20140406/52358264