容祖兒早前喺網上開火鬧爆杜汶澤，仲話對方係：「你就是我在娛樂圈中唯一一個討厭的人！」事後阿澤已兩度喺facebook向祖兒道歉。不過之後傳聞滿天飛，有指今次祖兒「佛都有火」，係因為佢不滿阿澤曾奚落男友劉浩龍（師兄），只係借題發揮為愛郎出頭。



事後「祖澤」未有再為事件表態，阿澤繼續喺fb谷戲，而師兄日前出席活動時，對於女友同阿澤不和，亦拒作回應，只係話冇意見；至於阿澤太太田蕊妮就表示，阿澤好珍惜同祖兒友情。

咁網民又點睇呢？佢哋好關心事態發展，日前有網民轉載內地訪問，標題就寫住：「容祖兒稱沒空結婚，望杜汶澤助己拿影后」，據指呢個訪問係祖兒去年2月出席一個澳門活動時講嘅，內容同佢日前喺fb上話「拍《Diva》從來不是為攞影后」有所出入，有網民質疑佢自打嘴巴。

今日祖兒出席銅鑼灣舉行嘅「Hello Kitty 40周年誕生祭」活動，祖兒身穿露腰衫示人，大晒纖腰。

講到有傳阿澤喺背後喪踩師兄，祖兒就話：「佢（指阿澤）冇講過，我冇聽佢講，雜誌報道唔正確。」使唔使平反？祖兒話：「總之冇聽過，唔關事，自己唔想再講，都已經過去。」

至於有網民踢爆講過想攞影后，祖兒就解釋：「諗番可能宣傳期，或者佢（阿澤）攞獎時替佢高興，先講呢啲嘢，我本身有自知之明，但大家覺得咁諗，我冇辦法。」

http://hk.apple.nextmedia.com/enews/realtime/20140406/52358460

https://www.youtube.com/watch?v=_SWztrzNbgM&feature=youtube_gdata_player
1:13