商台DJ唐劍康（Donald/當奴）喺新光戲院舉行13場嘅talk騷「當奴All You Gag歡樂阿家藐咀騷」，噚晚舉行第二場，事先叫咗朋友唔好送花，若要送就送米之後交畀「食物銀行」，方力申、古巨基都聽話照做，而好友王貽興到場睇騷。



Donald仲玩王貽興話：「我手機經常收到台灣0靚模嘅裸照，我冇睇只係save咗，我冇傳比佢，只畀小儀嘅相佢啫﹗」

talk騷入面Donald扮師奶，大談師奶感受，又自嘲「賤奴」話：「做師奶好慘，成日俾人（目及），頭先喺後台有個又肥又四眼嘅人（目及）住我，我都問佢係咪何俊仁，原來係李居明。」

Donald仲扮邵音音戲中打小人一幕，大講政治嘢，佢話：「你心裡面個人好想打，佢姓梁，你哋唔好淆（底），大家一齊嗌﹗梁振X﹗舊年喺《迷離夜》已打過梁振X一次。佢呢，好小器，同埋你打完佢，佢個女會出嚟同你講，Come on people﹗百幾個師奶都打佢唔走，因為佢聽阿爺講啲普通話。」



跟住Donald繼續講笑話：「另一個都抵打，佢姓溫。當年喺《義不容情》踢阿媽落山嗰個、到0依家都仲係咁忤逆嘅溫兆倫。」佢仲用國語扮溫兆倫講嘢：「我終於有國家，沒有國，那有家﹗睇住溫兆倫為賺大陸錢講啲咁嘅嘢。」

而Donald仲笑盡娛樂圈入面班朋友，相信班朋友嬲到絕交，好似王菀之，Donald笑佢喺《金雞sss》入面，夾胸成日講「加錢」，佢話：「好多人讚佢做得好，我覺佢做自己，成日咁樣箝住Eric So。」又話：「A餐、B餐，娶到Kay（謝安琪），唔止跳開心舞，係跳晒命舞啦﹗」

至於擔任表演嘉賓嘅連詩雅，都一樣被Donald玩，Donald問佢話：「如果上帝收番你條腿，換我條腿畀你，你會咩反應？」點知連詩雅話：「吓﹗咁咪即係我冇咗對腳？」Donald拎佢串錯英文嚟玩：「你有冇Follow我？俾人話英文差唔緊要，原來中英文都差，你REST IN PEACE啦﹗」咁玩法，Donald唔驚老友反面嘅咩？

http://hk.apple.nextmedia.com/enews/realtime/20140403/52349545

佢都學人開show？有咩人去睇？
請埋雲海去睇仲有啅頭呀喂