做咗32年兒童節目嘅譚玉瑛，今日終於忍着淚，向兒童節目say goodbye。

早前本報踢爆無綫要兒童節目年輕化，而將50歲嘅譚玉瑛姐姐踢出局，將佢由主持變為顧問，但明知佢本月底約滿，又遲遲唔肯同佢傾續約，疑採拖字訣令佢「自然流失」，就連譚玉瑛當日接受本報訪問時，亦無奈地謂：「希望可以清楚啲知道件事將會點做。」

消息曝光後，無綫被外界狂轟，即火速補鑊跟譚玉瑛斟約，除安排佢轉顧問及簽藝員約主持《東張西望》外，今日喺譚玉瑛最後一日錄影《放學ICU》時，大龍鳳地舉行簽約儀式。

譚玉瑛今日喺將軍澳為《放學ICU》作最後一日錄影，公司特別為仍佢安排簽約儀式，高層余詠珊、主持蓋世寶等先後送上蛋糕及鮮花。

譚玉瑛姐姐喺儀式上話:「今日錄影，令我諗起第一年做兒童節目，監製同我以及張國強慶祝生日，又有蛋糕、又帶埋記者，好似記者會咁，好似一個完美呼應，整體嚟講我係開心嘅。平時我成日鬧人，好似俾人寵壞咗咁，將來希望可以展露溫柔可人嘅另一面比大家睇。希望大家以後唔好唔認得我。」說罷譚玉瑛即時眼濕濕。
http://hk.apple.nextmedia.com/enews/realtime/20140330/52337635

及後譚玉瑛接受記者訪問時，表示生活作息將會同過去唔同，但佢會視為新挑戰。問會否掛念兒童節目？譚玉瑛姐姐話：「當然會啦，我又唔係無情無義嘅人。」

至於會否心淡？譚玉瑛話:「冇心淡，反而覺得安排記者會係喜出望外，我尊重公司安排。」但係可覺得公司有尊重佢？譚玉瑛姐姐謂:「公司有問我，我都話OK。我係個隨遇而安嘅人，入行之前抱負都係掃街。我好鍾意掃地0架！」

主持兒童節目多年，橫跨四代，會否不捨得？譚玉瑛話:「唔會啦，都發生咗一段時間啦。搞歡送會？我又唔係離開公司，係工作崗位唔同啫，唔使歡送啦，又唔係冇得撈。」對於傳聞佢收入由9萬減到7千，佢就否認謂：「我都想有9萬。」

http://hk.apple.nextmedia.com/enews/realtime/20140330/52337654

仆街，想佢比人屌呀？見人受歡迎就利用到盡