噚晚有份於紅館演出「伍樂城幻想國度作品演唱會2014」，除咗有天后祖兒同得力於伍樂城、為佢哋寫過唔少好歌嘅Twins之外，仲有杜汶澤。阿澤？係，真係阿澤。佢解釋話因為同伍樂城都係拔萃仔，又話自己出過碟，搵伍樂城作過歌，但只賣得400隻，之後再謂:「咁其實都有好多係雷頌德作嘅，五隻有四隻係。咁雷頌德都好嬲嘅，你唱到咁樣樣。」全場又大笑，唔知雷頌德笑唔笑得出。



阿澤噚晚揀咗祖兒嘅《逃避你》，事緣佢話早年氹楊受成俾錢開拍《Diva》，仲拍心口話一定捧到祖兒做影后，結果反而係阿澤憑本片拎咗影帝。阿澤抵死地謂:「佢啱啱先喺後台發現我搵咗佢笨，所以我送呢首歌俾佢，希望佢永遠都唔會遇到我呢類衰人。」結果又哄堂大笑。但呢番話，令祖兒大動肝火。

半小時前，祖兒於fb寫道:「民主英雄杜汶澤，本人從來做好本份，人家給我機會我努力把握，拍Diva從來不是為攞影后，但你這麼一個成年人，又能什麼時候學識不撩事鬥非，不踩低人去抬高自己，你幫過我，我感謝你，但你自恃口才了得不止一次傷害人為樂，我真的看不過眼，無論你怎樣懂得包裝你的形象，你就是我在娛樂圈中唯一一個討厭的人，江山易改，本性難移就是如此，佛都有火也是如此。」

有網民一向好少見到祖兒發火，紛紛留言謂:「好少見祖公開鬧人，可想而知有幾嚴重」、「不似祖的口吻。祖到了今天，咩風浪未見過呀？唔會因為呢啲嘢而動氣」、「能把祖祖妳氣成這樣，想必一定發生了些令妳不能容忍的事。」、「袓袓咁順得人都火？」

http://hk.apple.nextmedia.com/enews/realtime/20140330/52336174

阿澤向祖兒公開道歉



阿澤噚晚喺「56成」作品展做嘉賓，口多多話當年拍《Diva》係一心想捧祖兒做影后，不過最後票房就好麻麻，但係佢自己就攞咗個影帝。祖兒頭先就喺facebook開聲鬧，似乎好似好唔高興咁(大家可以睇另文)，冇耐之前阿澤又再公開回應喇，段留言係咁寫嘅：

「就於昨夜我在我的中學同學伍樂城的演員會上，本人為求增強氣氛，在沒有清楚考慮過的情況下，說了一個不應該說的笑話。現在本人以最誠懇的態度，向容祖兒小姐道歉。我生平從來沒有因為自己說過的任何一句話而後悔過，這一次是唯一的例外，因為我很珍惜這段友情。多謝你給我「民主英雄」的稱呼，我以後會繼續為社會不公義而發聲，至於其他無謂笑話，經過這件事件之後，我會少說。不求你原諒，只希望你一切安好！對不起！」以阿澤嘅性格嚟睇，應該真係好緊張祖兒先會咁回應。

http://hk.apple.nextmedia.com/enews/realtime/20140330/52336310