Twins可以話係今晚喺伍樂城演唱會上，唱最多嘅歌手。阿Sa話:「非常開心可以參與呢個演唱會，其實做伍樂城演唱會，就好似做Twins演唱會，做Twins演唱會又如做伍樂城演唱會。好多經典歌來自伍樂城。」阿嬌亦感動地謂；「第一隻碟已經由伍樂成操刀。你係我哋嘅恩師同伯樂！」

雖然兩人已經三字頭，但打扮如初出道，阿Sa就著短褲、阿嬌就露腰，腰間仲有條bell，但露腩。唱到《明愛暗戀補習社》一曲尾聲，Twins打側手翻全場起哄。阿Sa即謂:「呢個係你(伍樂城)特別一手要求，幸寶刀未老。」阿嬌就話：「為咗你，我哋乜都可以做。」





此外，兩女今晚亦特別向演唱會之父張耀榮致敬，阿Sa謂:「今晚相信有一個人，一定喺度，Twins好感謝呢個人，佢一直支持Twins，我哋永遠掛住你，耀榮叔。」期間佢哋又唱咗《戀愛大過天》、《風箏與風》同《下一站天后》。

http://hk.apple.nextmedia.com/enews/realtime/20140330/52334978