是咁的
其實我係一個仆街仔
我比綠帽人帶 我係第三者...
早一個月比個女仔條仔發現左
果陣我好唔開心因為個女仔條仔知道左之後 個女仔對我好冷淡無啦啦
我問左好耐先知原來係比人知道左 果時已經好心淡 點解條仔一知道就要咁冷漠
好似當我係煩膠咁 完全HEA鳩我
然後我就主動Block左個女仔wtsapp 話當冇識過我啦咁上下既野
點知兩個禮拜之後個女仔又搵返我 話晚晚臨訓之前都會諗住我
冇左我好唔開心之類既野
雖然果陣係佢自己冷漠要抽身 但係而家佢黎搵返我我依舊都係中個頭埋去 要繼續返之前既關係
但係"復合"之後既2次見面我都覺得同之前唔同左
見到佢我冇以前咁開心 亦都唔似以前咁咁多野講
睇戲果陣都冇掂佢 手都冇拖 因為我唔想
同埋出出下街我會突然之間好想走 冇啦啦好唔想見到佢
我唔知點解會咁
其實我一向以黎都覺得咁樣既關係好冇安全感
佢已經唔係第一次派帽比佢條仔
我亦都知道佢有前科 同埋好多人溝佢
所以我成日都覺得我呢個第二位好易就比人取代.. 我會成日問佢係邊同邊個出緊街
明明其實我就連名份都冇
我覺得咁樣既關係其實好辛苦
係斷絕關係果2個禮拜 雖然dry但係我過得好輕鬆
而家雖然有佢 但係我知我自己笑得比以前少...
咁我係咪應該再一次離開佢 再一次hurt佢
定係繼續 令佢開心但係自己就屈住屈住...