頭盔：已上岸，此文內容已非最新資訊。因為今年又唔知會改到點屎樣，所以僅供參考，你考成點我都不會負任何責任。

日前，我個菲律賓工人行過街市，駭然發現竟然有朋友唔知共識題點答，小弟就係度用可能過時既技巧指點下大家

廢話少講，共識題係冇可能達成共識既，你揀A我揀B，唔通揸住把刀叫佢轉呔咩！
唯一既方法就係要逼大家同意一D野，因為「達成共識」並唔係指要答案完全相同，而係係一D野上面大家都一致同意。

好簡單以一條舊題目為例：

XX公園要整隻吉祥物，有三隻野你揀邊隻好。

第一唔係要揀果隻野，而係要制定一D標準，好似要切合公園主題、形象良好（鯊魚果D就算吧啦）、可愛等等等等
然後用以上既標準去Support你去揀一隻你覺得切合既吉祥物
跟住記住記住要hold住你對其餘兩隻既意見，等首輪發言之後，再一次出盡奶力強調要focus係標準度，講埋真心話，話呢個題目根本唔可能達成共識，冇一個共同標準根本係口同鼻拗！ 之後其他人醒唔醒就睇彩數。
然後就逐隻逐隻根據你既標準，解釋點解唔得。撐用果隻既人肯定插你，你就逼佢用你既標準去量度，或者可能會有新標準出現。
大家就用呢一堆標準去量度自己既選擇，咁樣肯定出唔到結果架啦，但係你最尾總結既時候可以Report話：
「雖然大家係選擇呢幾隻吉祥物上面未能達成一致意見，但係呢我地係選擇吉祥物既條件：…… 上面達成左共識。」


完

再講多次呢個方法可能outdated，甚至全能既膠登仔會有更好既方法，以上方法僅供參考之用！



[right][#808080]Sent from Android app by Gannet[/size=2][/#808080][/right]